خاصيه حجب المكالمات فى الموبايلات النوكيا Nokia مجانا

بسم الله الرحمن الرحيم


طبعا كتير مننا بيتعرض لمضايقات من أرقام غريبه أو ناس مبيحبش  يكلمهم
أو حد رخم بيتصل عشان مصلحه .... تعددت الأسباب والغرض واحد
وهو حجب المكالمات من أرقام معينه
وهو ما يسمى ب Black list أو القائمه السوداء
 هناك عده طرق لذلك 
الطريقه الأولى

ودى بفلوس ربنا يكفينا شرها :D

من خلال الشبكه
(فودافون - موبينيل - اتصالات)


الطريقه الثانيه ,الثالثه  من خلال الموبايل

هشرحلكو مثلا على موبايلى  المتواضع
N 70

الطريقه التانيه من خلال برنامج حجب المكالمات

وده تقدر تنزله من هنا

طيب بالنسبه للناس اللى مبتعرفش تستخدم البرامج أو مبتحبهاش


ساعتها بأه يبقى مفيش غير 

الطريقه الثالثه

دى بأه مش خاصيه ولا برنامج دى خدعه بسيطه أوى

الفكره انك تعمل تحويل مكالمات لما تكون مشغول على رقم تانى مقفول أو غير موجود بالخدمه

هتقولى ازاى ؟ 

امشى معايا بالخطوات يا باشا :-

1- ادخل على القائمه 

2- اختار الأدوات 

3- ادخل على الضبط

4- وبعدين ادخل على تحويل المكالمات

5- واختار المكالمات الصوتيه

6- اذا كنت مشغول 

7- اختار تفعيل 

8- اختار الى رقم اخر

هيطلعلك خانه فاضيه

اكتب فيها أى رقم يكون مقفول أو غير موجود بالخدمه

وكل ما عليك فعله ان لما الكائن الرخم اللى مش عايز ترد عليه ده يتصل

تكنسل عليه هيحوله على رقم مقفول أو غير موجود بالخدمه وهيقوله الهاتف اللى طلبته مقفول أو غير موجود بالخدمه

وخليه بأه يخبط راسه فى الحيطه

وأى خدمه يا باشا